منتديات عشق اهل البيت
اهلاً وسهلا بكم في منتديات عشق أهل البيت


منتديات عشق اهل البيت
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصيدة لحبيبة قلبي {امي}رحمها الله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حبيب الروح

avatar

المساهمات : 160
تاريخ التسجيل : 23/10/2010
العمر : 26
الموقع : رقيق القلب

مُساهمةموضوع: قصيدة لحبيبة قلبي {امي}رحمها الله   الإثنين نوفمبر 15, 2010 12:08 am

مافي شي بالدنيا يهزني وينزل دمعتي غير طاريك الله يرحمك ويغفرلك ويجمعني فيك بمستقر رحمته يارب

اهدي هذا الكلام بدموعي والله اعذروني ياأعضاء ع الاطاله هذي القصيده اهداء لأمي حبيبة قلبي ماهي لي بس حبيت اواسي فيها نفسي
ياشقى دنيا علي زايد ألمها

وياشقى وقتِ علي دايم شحوح
بي جروحٍ كل ماحاولت ألمها

تنتثر في قسوة الياس اللحوح
من يعاون نفس متزايد سقمها

من يشيل الهم عن قلبٍ وروح
روحي اللي تشتكي من نار همها

وقلبي اللي يشتكي نزف الجروح


آه يادنيا علي ارخت ظلمها

لين خلت كل شي فيني ينوح

فـ الاسى والهم عندي ياكرمها

ويابخلها فـ السعاده والفروح
يوم عيني وقتي القاسي حرمها

شوف شخصٍ شوفته تشفي الجروح
كم بكت هالعين لكن مارحمها

وكم شكت في عتمة الليل وتبوح
من فراق اللي تحت دوسة قدمها

درب للجنه من ارضاها يلوح

أمي اللي صارت بقبرٍ يضمها

ضمني من بعدها حزنٍ لحوح

ليتني باللحد بالي مع جسمها

مابقالي بعد فرقاها طموح
كم تمنى خاطري بوسة خشمها

او تداعب ايدها راسي بمسوح
ايه ياأمي للقدر دمعه رسمها

في عيون اللي رفض قلبه يبوح



طول عمره كل احزانه كتمها

وخافقي ياأمي من فراقك ذبوح

صرختي ياأمي ابد محدٍ فهمها

ظنهم هالصرخه ياأمي مزوح



مادروا ان الأسى روحي هدمها

ومادروا فيني الألم شيّد صروح

كيف بصبر والزمن روحي صدمها

كيف بصبر والألم عيّا يروح



ربي اللي قدّر القسمه وقسمها

وحكم ربي اقبله بصدرٍ سموح

دام ربي قسمته راد واتمها

مرتضي حكمه وصابر صبر نوح



آه ياأمي فرحتي موتك عدمها

بس دايم للصبر ببقى نزوح


علّ ربٍ خالق الجنه ونعمها

يجعل الفردوس لك ياأمي طروح



آ يادنيا علي زادت ألمها

لين خلت كل شي فيني ينوح


فـ الاسى والهم عندي ياكرمها

ويابخلها فـ السعاده والفروح
الله يرحمك يالغاليه

تحياتي
حبيب الروووح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة لحبيبة قلبي {امي}رحمها الله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشق اهل البيت :: منتدى روانية :: #الشعر$ والخواطر#-
انتقل الى: